"«Бала еңбегін қанауға қарсы 12 күн" ұлттық ақпараттық науқаны

Жыл сайын елімізде 1-12 маусым аралығында "«Бала еңбегін қанауға қарсы 12 күн" ұлттық ақпараттық науқаны өткізіледі.Науқанның негізгі мақсаты балалар еңбегінің ең нашар түрлерін қолданудың алдын алу мәселелеріне қоғамның назарын аудару, сондай-ақ осы салада құқықтық ақпараттандыру болып табылады. Бала құқықтары туралы Конвенцияға сәйкес балалар еңбегін пайдалануға тыйым салынады. Бірақ соған қарамастан, баланың жұмысы жиі кездеседі. Балалар еңбегіне деген сұраныс балалардың неғұрлым атқарушы, мойынсұнғыш екендігімен, олардың жалақысы арзанырақ және олардың тарапынан талаптар жоқ екендігімен түсіндіріледі. Сонымен қатар, жұмыс берушілердің еңбек заңнамасының қарапайым нормаларын білмеуі орын алады. ҚР Конституциясының 24-бабы еңбек бостандығы, осы салада мәжбүрлеуге жол бермеу туралы айтады. Еңбек лайықты жалақыны қоса алғанда, тиісті жағдайларда өтуі керек. "Қазақстан Республикасындағы Бала құқықтары туралы" ҚР Заңында әр баланың еңбек бостандығына, қызмет пен кәсіп түрін еркін таңдауға құқығы бар. Баланы денсаулығына қауіп төндіретін немесе оның білім алуына кедергі келтіретін немесе оның денсаулығы мен физикалық, психикалық, рухани, моральдық және әлеуметтік дамуына зиян келтіретін кез келген жұмысты орындау үшін қабылдауға немесе тартуға тыйым салынады.