Өскелең ұрпақтың бойында ұлы тұлғалардың еңбектері арқылы парасаттылық қағидаттарын қалыптастыру мақсатында Ақмола облысы бойынша Сыбайлас жемқорлыққа қарсы іс-қимыл департаментінің бастамасымен 14-18 қараша аралығында қазақтың ұлы жазушысы Ілияс Есенберлинге арналған "Адалдық сағаты" өткізілуде. Ілияс Есенберлиннің шығармалары көтерілген мәселелердің маңыздылығымен және оларды шешудің батылдығымен ерекшеленеді. 1969-1973 жж. ол өзінің әйгілі "Көшпенділер" трилогиясын жазды. Онда қазақтардың батыл күресі мен ұлтаралық соғыстар тарихы, сатқындық пен халыққа адалдық тарихы жазылған. "Көшпенділер" трилогиясынан кейін "Алтын орда", "Қауіпті өткел" тарихи шығармалары, "Алтын құс", "Айқас" және тағы басқа романдары дүниеге келді. Ілияс Есенберлин өмірдегі қиындықтарға қарамастар, өмірді сүйетін адам еді, сондай-ақ ерік-жігері мықты, шыдамдылыққа бейім және феноменальды есте сақтау қабілетіне ие тұлға болатын.